Одоогийн үнэлгээ:
Үнэлэх:
Нийтлэгдсэн огноо: 2012 оны 6 сарын 18

Аавуудын өдрөөр Арнольд Шварценеггер 18-тай хүүгээ эрхлүүлэв

Жүжигчин Арнольд Шварценеггер гашуун салалттай нүүр тулсан ч гэлээ хүүхдүүддээ анхаарал тавихгүй гэсэн үг мэдээж биш. Тэрбээр хүүхдүүдтэйгээ уулзаж, цагийг хамт өнгөрөөх эрхтэй.

А.Шварценеггер өчигдөр Аавуудын өдрөөр 18 настай хүү Патриктайгаа 250 мянган ам.долларын үнэтэй “Mercedes SLS 63 AMG” автомашинаараа Лос-Анжелес хотоор зугаалсан байна. Сард 400-800 мянган ам.долларын орлоготой Арнольд Шварценеггерийг жолооны үнэмлэх авах эрхтэй болсон хүүдээ автомашин худалдан авч өгөх юм уу, өөрийнхөө хөлөглөдөг автомашинуудаас нэгийг нь бэлэглэж магадгүй гэж шар хэвлэлүүдэд бичжээ.

Хэдийгээр ажлын маш шахуу хөтөлбөртэй байдаг ч Калифорни мужийн экс амбан захирагч хүүдээ зав гаргаж чаджээ. Тэд цагийг тун хөгжилтэй өнгөрүүлсэн гэнэ. Арнольд экс эхнэр Мария Шривертэйгээ утсаар ярьж хүүгээ баярлуулах зөвшөөрөл авсан байна.

Дашрамд дуулгахад энэ оны наймдугаар сарын 2-нд түүний тоглосон “The Expendables” кино нээлтээ хийх юм. Мөн жүжигчин Сильвестер Сталлонетэй хамтран тоглосон “Total Recall” нээлтээ хийхээр зэхэж байна.


Т.Арьяа
Мэдээний линк: http://yellow.time.mn/content/14142.shtml
LIKE дарж дэмжээрэй.
Түгээх
Сэтгэгдлийг ачааллаж байна ...