Эхлэл - Шар мэдээ - Сэдэв
Одоогийн үнэлгээ:
Үнэлэх:
Нийтлэгдсэн огноо: 2013 оны 2 сарын 3

Х.Цагаанбаатар эхний сарын цалингаа буурлууддаа зориуллаа

Монгол Улсын гавьяат тамирчин, Хөдөлмөрийн баатар Х.Цагаанбаатар төрөөс тамирчдад олгож эхэлсэн урамшууллын цалингийнхаа эхний сарын мөнгийг Дарханы өндөр настнуудад зориулжээ.

Тэрбээр өөрийн “Twitter” хуудсандаа бичихдээ “Дархан нутгийн азай буурлуудын маань буян надад шингэж би энэ амжилтад хүрсэн гэж бодож байна” гэжээ. Учир нь тэрбээр Дарханаас тамирчны гараагаа эхэлсэн бөгөөд эхний сарын цалингаа буурлууддаа зориулахыг хүссэн аж.


Х.Цагаанбаатар Монгол Улсын Ерөнхийлөгчийн зарлигаар авч буй эхний сарын цалингаараа Дархан-Уул аймгийн 108 азай бууралд сар шинийн идээгээр бэлэг барьжээ.

Дашрамд дуулгахад, гавьяат тамирчин Б.Наранбаатар “Twitter” хуудсандаа “Ерөнхийлөгчийн зарлигаар авч байгаа насан туршийн урамшууллаасаа залуу тамирчдад, сайн үйлсийн аянд зориулна” гэж бичжээ.

Т.Арьяа

Мэдээний линк: http://yellow.time.mn/content/24651.shtml
LIKE дарж дэмжээрэй.
Түгээх
Сэтгэгдлийг ачааллаж байна ...